"Наполи" ҳужумчиси Хвича Кварацхелия Италия чемпионатининг сўнгги мавсумидаги ғалабаси ҳақида гапирди.
Эслатиб ўтамиз, бу чемпионлик "Наполи" клуби учун сўнгги 33 йил ичида биринчиси бўлди.
Грузиялик футболчининг сўзларига кўра, “Наполи” футболчилари чемпионликка яқин эканликларини А Сериянинг 31-туридан ўрин олган “Ювентус”га (1:0) қарши ўйиндан кейин тушунишган. Ўшандан бери ҳар бир кейинги ўйин жамоа учун байрам бўлди.
“Менимча, бу нафақат мен учун, балки ҳамма учун ажойиб йил бўлди. 33 йилдан кейин ҳеч ким скудеттони "Наполи"да кутмаганди, аммо бизнинг тайёргарлигимиз ва ҳар доим қўлимиздан келганини қилишга тайёрлигимиз ҳал қилувчи роль ўйнади", - деди Кварацхелия La Gazzetta dello Sport билан суҳбатда.
22 ёшли Кварацхелия ўтган мавсумда "Наполи" сафида 43 та ўйинда майдонга тушиб, 14 та гол урди ва 17 та голга ассистентлик қилди. Грузиялик футболчи 2022/2023 йилги мавсумнинг А Сериясининг энг яхши футболчиси деб топилди.
