Португалиялик ҳужумчи Криштиану Роналду "Ан-Наср"нинг Араб Чемпионлар Кубоги ярим финалига чиққани ҳақида фикр билдирди. Турнирнинг чорак финалида “Ан-Наср” “Ража”ни 3:1 ҳисобида мағлуб этди.
Ушбу учрашувда португалиялик ҳужумчи урилган битта гол муаллифига айланди.
"Ярим финалда! Гол уришда давом этиш ва жамоанинг турнирда олдинга силжишига ёрдам бериш жуда ёқимли”, - деб ёзди Роналду ижтимоий тармоғида.
Эслатиб ўтамиз, Роналду Араб чемпионлар кубогида қаторасига учинчи ўйинда гол урди.
“Ан-Наср” мусобақанинг ярим финалида “Ал-Иттифоқ” билан куч синашади. Учрашув 14 август куни Тошкент вақти билан соат 23:00да бошланади.
