Аргентина терма жамоаси ва «Барселона»нинг собиқ ҳимоячиси Хавьер Маскерано ҳужумчи Лионель Мессининг «Интер Майами»даги ўйини ҳақида ўз фикрлари билан ўртоқлашди.
«Қатардаги жаҳон чемпионатида ғалаба қозонганидан сўнг Лео дунёнинг энг яхши футболчиси ким эканлигини кўрсатди.
Месси мен кўрган энг яхши футболчи. У Майамида бахтли, у ерда нафақат ўйин томонлама хурсанд, балки оиласи билан ҳам хотиржам ҳаёт кечиради», - дея Хавьернинг сўзларини келтиради Marca газетаси.
Месси шу ёзда «Интер Майами»га текинга ўтди. 36 ёшли аргентиналик футболчи Флорида клуби билан 2025 йил охиригача шартнома имзолади. У жамоа учун тўртта ўйинда еттита гол урди.
