"Наполи"нинг ҳужумкор ярим ҳимоячиси Хвича Кварацхелия жамоанинг янги бош мураббийи, Лучано Спалетти ўрнига жамоа бошқарувига келган Руди Гарсия ҳақида ўз фикрлари билан ўртоқлашди.

“Умид қиламанки, бу мураббий қўл остида ўсишда давом этаман. У менга шахс сифатида ҳам, мураббий сифатида ҳам ёқади, ишончим комилки, биз у билан бирга ғалаба қозонишда давом этамиз. Ҳар бир учрашувда ғалаба қозониш учун бор кучимизни ишга соламиз. "Наполи" барча рақибларини ҳурмат қилади", - дейди грузиялик футболчи.

Ўтган мавсумда "Наполи" Италия чемпиони бўлди. Хвича барча мусобақаларда 43 та ўйинда майдонга тушиб, 14 та гол ва 17 та голли узатмани амалга оширган.