Усмон Дембеле ҳалигача "ПСЖ"га янги келган футболчи сифатида таништирилмаган, гарчи француз клуби 50 миллион евро тўлашга тайёр, футболчининг ўзи эса тиббий кўрикдан ўтган. Sport.es нашри трансфер нима учун кечикаётганини маълум қилди.

Манбага кўра, "Барселона" ҳалигача Дембеленинг агенти билан тўлов қандай тақсимланиши борасида суҳбатни давом эттирмоқда. Футболчининг "Барселона" билан шартномасидаги келишувга кўра, 50 миллион евролик пулнинг ярми Дембеленинг ўзига берилиши керак. Жамоа бу суммадан кўпроқ пул олишга ҳаракат қилмоқда, шунинг учун улар керакли қоғозларни жўнатмасдан трансферни кечиктирмоқда.

Маълум қилинишича, иш охир-оқибат судгача бориши мумкин. Манбанинг қўшимча қилишича, "Барселона" Дембелени 21 августгача сақлаб қолиш имкониятига эга.