Usmon Dembele haligacha "PSJ"ga yangi kelgan futbolchi sifatida tanishtirilmagan, garchi fransuz klubi 50 million yevro to‘lashga tayyor, futbolchining o‘zi esa tibbiy ko‘rikdan o‘tgan. Sport.es nashri transfer nima uchun kechikayotganini ma’lum qildi.
Manbaga ko‘ra, "Barselona" haligacha Dembelening agenti bilan to‘lov qanday taqsimlanishi borasida suhbatni davom ettirmoqda. Futbolchining "Barselona" bilan shartnomasidagi kelishuvga ko‘ra, 50 million yevrolik pulning yarmi Dembelening o‘ziga berilishi kerak. Jamoa bu summadan ko‘proq pul olishga harakat qilmoqda, shuning uchun ular kerakli qog‘ozlarni jo‘natmasdan transferni kechiktirmoqda.
Ma’lum qilinishicha, ish oxir-oqibat sudgacha borishi mumkin. Manbaning qo‘shimcha qilishicha, "Barselona" Dembeleni 21 avgustgacha saqlab qolish imkoniyatiga ega.
