Вильям Галлас "Арсенал" бу мавсумда чемпионликни қўлга кирита олмаслигига ишонмоқда.
"Ишончим комилки, "Арсенал" бу мавсум чемпионликка жуда яқин бўлади, лекин мен чемпион бўлади деб ўйламайман. Ўйлайманки, "Арсенал"да бунинг учун характер ва шахсият етишмаяпти, бу ўтган мавсум охирида уларга керак эди ва улар буни кўрсата олишмади.
"Арсенал" бу мавсумда ўзининг жанговар руҳини кўрсатишини истайман. Майдонда кўп мулоқот қилишга тайёр, бир-биридан кўпроқ талаб қиладиган футболчиларни кўришни истайман. “Арсенал” майдонда муаммога дуч келганда, жамоани тажрибали ўйинчилар бошқаришини кўрмоқчиман.
Мен ҳали ҳам "Арсенал"да "ҳар қандай ҳолатда ҳам ғалаба қозониш" тушунчаси йўқ деб ўйлайман, шунинг учун улар бу мавсумда чемпион бўлади деб ўйламайман" - деди "Арсенал"нинг собиқ ҳимоячиси Gambling Zone нашрига.
