Гари Невилл Гарри Кейн "Бавария" таклифини рад этиб, "Манчестер Юнайтед"га ўтишига умид қилмоқда.
"Умид қиламанки, "Манчестер Юнайтед" вазиятни кузатмоқда ва "Бавария" билан келишув бўйича музокаралар олиб бориш мумкинлигини кўрмоқда. Лекин умид қиламанки, Кейн немисларга "мен бормайман" дейди.
Мен нотўғри гапираётган бўлишим мумкин, Кейн билан алоқам йўқ, лекин у "Бавария"га ўтса, ҳайратда қоламан. Бу жуда катта клуб, лекин мен унда ҳеч қандай алоҳида нарсани кўрмаяпман. Агар у Премьер-лигадаги голлар рекордини янгилашни истамаса, ҳайратда қоламан.
"Тоттенхэм" нега таклифларни рад этишини биласизми? Чунки у кетмаслигини билишади. Леви ўтиради ва 100 миллион еврога рози бўлиши билан Харри шундай дейди: "Йўқ, мен "Бавария"га ўтишни хоҳламайман, лекин мен "Манчестер Юнайтед"га 100 миллионга бораман" - дейди ва кейин Леви муаммога дуч келади.
Умид қиламанки, Кейн ақлли ва: "Йўқ, мен "Бавария"га эмас, "Манчестер Юнайтед"га ўтмоқчиман", дейди. Чунки у "Юнайтед"га керак. Кейн билан "Манчестер Юнайтед" "Арсенал" ёки "Манчестер Сити"га етиб олиши мумкин", — деди "МЮ"нинг собиқ футболчиси.
