"Барселона" сардори Серхи Роберто "Тоттенхэм" устидан қозонилган ғалабадан сўнг журналистларга ўз фикрларини билдириб ўтди.
Каталонияликлар "Гампер" кубогида “шпорлар”ни 4:2 ҳисобида мағлуб этишди. 16 ёшли Ламин Ямаль 80-дақиқада захирадан майдонга тушди ва 81-дақиқада Ферран Торресга ассистентлик қилди.
"Мен Ямални аллақачон табриклаганман, у ажойиб истеъдод. Лекин шошманг, биз ёшларга сабр қилишимиз керак. Улар ажойиб иш қилишяпти ва умид қиламанки, ишлар шундай давом этади.
"Барселона" сардори бўлиш мен учун катта шараф. Мен болалигимдан клубга мухлислик қилганман, шунинг учун бу ўзгача туйғу”, - деди Серхи Роберто ўйиндан сўнг Испания ОАВларига.
