Ҳали мавсум якунланмасиданоқ янги мавсумда "Навбаҳор"ни ким бошқариши маълум бўлдими?
Мухлислар орасида бир гап қуюндек тарқаб кетди: "Янги мавсумда "Навбаҳор"га Раҳим Қурбонмамедов бош мураббий бўларкан!"
Бу мавзу бўйича ҳозир клубга мурожаат этишни фойдаси йўқ! "Буларнинг бари миш-миш ёки ҳали янги мавсум режалари тузилмаган", каби жавоблар эшитишимиз тайин.
Агар ҳақиқаттан ҳам туркман Раҳим Қурбонмамедов яна жамоани қўлга олса воқеалар қандай тус олиши мумкин? Аниқки, Қурбонмамедовга бу борада Александр Клименко кўмаклашади. Лекин ҳозиргача бу Туркманистон фуқаролари Наманганда ҳеч қандай каромат кўрсатишмади-ку!
Р.Қурбонмамедовнинг "Навбаҳор"га учинчи ташрифи омадли келишига ишониш қийин. Тўғри, қўшни давлатдан 1-2 нафар талабга жавоб берадиган футболчилар сафга қўшилиши мумкиндир. Лекин бу мураббий билан келажакни боғлаш ... билмадик, тўғри йўлдан кетилмоқдами ўзи?
Александр Клименкога сайт орқали мурожаат қиламан: Ўртоқ Саша, илтимос янги мавсумдан яна Болқонободда "Нефтчи"ни бошқариб юраверинг! Сиз уларга кераксиз!
Мавсум якунлансин, бу мавзуга яна қайтамиз... Ҳозир бор эътиборни17 ноябрь кунги учрашувга қаратган маъқул!
Ҳусниддин ПАРПИЕВ
