Про лиганинг 13-туридан ўрин олган “Машъал” — “Қўқон-1912” (0:1) учрашувидан сўнг меҳмонлар бош мураббийи Муҳсин Низомиддинов матбуот анжуманида иштирок этди.
– Ўйин ҳақида…
– Гувоҳи бўлганингиздек, мухлисларга манзур келадиган ўйин бўлди. Икки хил тайм кўрдик. Ўйин аввалида қийинчиликка дуч келишимизни билардик. Об-ҳаво ҳам бугун яхши тусга кирди. Рақиб жамоада мураббий ўзгарди. Асрор Алиқулов тажрибали мураббий саналади. Шунга қарамай, ўйлаган ниятимизга етдик.
– Ҳакамларга қандай баҳо бера оласиз?
– Бир марта ҳакамлар тўғрисида гапирганман, бошқа бу ҳақда оғиз очмайман. Улар ҳали ёш, бугун хатога йўл қўйишди, деб ўйламайман. Эҳтимол, қайсидир эпизодда янглишган бўлиши мумкин.
– Захирадан майдонга туширган шогирдингизни яна захирага олдингиз, буни боиси нимада?
– Бу ҳолат аввалги ўйинларда ҳам содир бўлган. Исоқжоновнинг жароҳати бор, у оёғидан укол олиб, майдонга чиқмоқда. Жароҳат унинг тўлақонли ҳаракатланишига имкон бермади. Шу сабаб алмаштирдик. Унинг ўрнига туширилган Бешимов ҳам яхши таассурот қолдирди.
– Бугун дарвозабонга кўп эътироз билдирдингиз…
– Ундай эмас. Бизда иккита бир хил даражадаги дарвозабон бор. Посбонимизнинг ҳам жароҳати мавжуд эди, уни алмаштирмадик. Шунга қарамай, ўз қўрғонини муносиб қўриқлади.
%20%D1%83%D1%87%D1%80%D0%B0%D1%88%D1%83%D0%B2%D0%B8%D0%B4%D0%B0%D0%BD%20%D1%81%D1%9E%D0%BD%D0%B3%20%D0%BC%D0%B5%D2%B3%D0%BC%D0%BE%D0%BD%D0%BB%D0%B0%D1%80%20%D0%B1%D0%BE%D1%88%20%D0%BC%D1%83%D1%80%D0%B0%D0%B1%D0%B1%D0%B8%D0%B9%D0%B8%20%D0%9C%D1%83%D2%B3%D1%81%D0%B8%D0%BD%20%D0%9D%D0%B8%D0%B7%D0%BE%D0%BC%D0%B8%D0%B4%D0%B4%D0%B8%D0%BD%D0%BE%D0%B2%20%D0%BC%D0%B0%D1%82%D0%B1%D1%83%D0%BE%D1%82%20%D0%B0%D0%BD%D0%B6%D1%83%D0%BC%D0%B0%D0%BD%D0%B8%D0%B4%D0%B0%20%D0%B8%D1%88%D1%82%D0%B8%D1%80%D0%BE%D0%BA%20%D1%8D%D1%82%D0%B4%D0%B8.&image=%2Fimages%2Fnews%2F%D0%BC%D1%83%D1%85%D1%81%D0%B8%D0%BD1.jpg&noparse=true){kind=link}