Мадриднинг "Реал" клубининг украиналик дарвозабони Андрей Лунин машғулот вақтида тиззасининг хоч бўғимларидан жароҳат олган жамоадоши Тибо Куртуага мурожаат қилди. Жароҳат туфайли бельгиялик келаси мавсумни ўтказиб юбориши мумкин.
"Сиз кучлисиз, биз сиз биланмиз. Бардам бўлинг!", - деб пост қолдирди Андрей Лунин ижтимоий тармоқларда.
Куртуа яқин орада операция қилиниши кутилмоқда. Тибо ўтган мавсумда Ла Лигада 31 та ўйинда майдонга тушиб, 29 та гол ўтказиб юборган.
"Қироллик клуби" Испания чемпионатини Бильбаонинг "Атлетик" жамоасига қарши меҳмон учрашуви билан бошлайди. Учрашув 11 август, шанба куни бўлиб ўтади.