Лондоннинг "Челси" клуби "Брайтон" ярим ҳимоячиси Мойсес Кайседо учун курашда таслим бўлмаяпти, унинг трансфери аввалроқ "Ливерпуль" томонидан рекорд даражадаги 127 миллион еврога келишилган эди. Журналист Жейкоб Штайнбергнинг хабар беришича, "кўклар" 21 ёшли эквадорлик футболчини қўлга киритиш умидини йўқотмаяпти.
"Челси" "Ливерпуль" таклифидан каттароқ пул таклиф қиладими ёки шунчаки унга тенглаштирадими, ҳозирча номаълум. Кайседонинг ўзи ҳозир Лондонда ва келажаги билан боғлиқ вазият ҳал қилинишини кутмоқда. Мойсес аввалроқ “Челси” билан шартнома шартларини келишиб олганди, бироқ ярим ҳимоячи “Ливерпуль”га ўтишга тайёр.
Агар унинг трансфери амалга ошса Кайседо Премьер-лига тарихидаги энг қиммат футболчига айланиши мумкин.
