"ПСЖ" раҳбарияти ўз ҳужумчиси Килиан Мбаппени жазолашда давом этмоқда. Инсайдер Жулиен Лауреннинг сўзларига кўра, парижликлар жамоаси ҳужумчини ўз уй стадиони "Парк де Пренс"га киришни тақиқламоқчи. Раҳбарият французни трибунада ҳам кўришни истамаяпти.
Мбаппе билан боғлиқ вазият ҳамон ўзгаришсиз қолмоқда: ҳужумчи бир йилдан кейин тугайдиган шартномасини узайтирмоқчи эмас. Килиан келаси мавсумда "Реал"да ўйнашни истайди, у франциялик футболчини 2024 йилнинг ёзида текинга олишни кутмоқда.
Мбаппе "ПСЖ" тарихидаги энг яхши тўпурар ҳисобланади. Килиан жамоага 2017 йилнинг ёзида "Монако"дан келиб қўшилган эди.













