"PSJ" rahbariyati o‘z hujumchisi Kilian Mbappeni jazolashda davom etmoqda. Insayder Juliyen Laurenning so‘zlariga ko‘ra, parijliklar jamoasi hujumchini o‘z uy stadioni "Park de Prens"ga kirishni taqiqlamoqchi. Rahbariyat fransuzni tribunada ham ko‘rishni istamayapti.
Mbappe bilan bog‘liq vaziyat hamon o‘zgarishsiz qolmoqda: hujumchi bir yildan keyin tugaydigan shartnomasini uzaytirmoqchi emas. Kilian kelasi mavsumda "Real"da o‘ynashni istaydi, u fransiyalik futbolchini 2024 yilning yozida tekinga olishni kutmoqda.
Mbappe "PSJ" tarixidagi eng yaxshi to‘purar hisoblanadi. Kilian jamoaga 2017 yilning yozida "Monako"dan kelib qo‘shilgan edi.













