"Реал Мадрид" бош мураббийи Карло Aнчелотти янги мавсумда умуман майдонга тушмаслик хавфи остида қолган Тибо Куртуа жароҳат олганидан сўнг жамоаси янги дарвозабон сотиб олиши ҳақида гапирди.
"Мен хотиржамман, чунки бизда Лунин бор. Биз ҳали янги дарвозабон олиш-олмаслик ҳақида бир қарорга келганимиз йўқ. 31 августгача ҳали вақт бор. Балки биз таркибни кенгайтиришга қарор қилармиз, чунки мавсум жуда узоқ бўлади", - деди Aнчелотти матбуот анжуманида.
"Реал Мадрид" учун вариантлардан бири "Севилья" посбони Ясин Буну. Шунингдек, "қироллик клуби" эркин агент мақомида бўлган Давид де Хеани таклиф қилиш вариантини кўриб чиқмоқда.
