«Севилья» президенти Пепе Кастро дарвозабон Яссин Бунунинг «Реал»га ўтиши мумкинлиги ҳақидаги миш-мишларга муносабат билдирди.
«Қаймоқранглилар» узоқ вақт давомида хоч боғлами шикастлангани Тибо Куртуанинг хизматларидан фойдалана олмаслиги мумкин. Бельгиялик футболчининг ўрнини босиши мумкин бўлган номзодлардан бири Бунудир.
«Ҳозирда «Реал Мадрид» билан Буну бўйича музокаралар олиб борилмаяпти. Бизда унга ҳеч қандай таклиф йўқ, биз ҳеч қайси клубдан қизиқиш ҳақида ҳеч нарсани эшитмадик», - дея Пепе Кастронинг сўзларини келтирган инсайдер Фабрицио Романо.
Яссин Бунунинг «Севилья» билан шартномаси 2025 йилгача мўлжалланган. 32 ёшли марокашлик футболчига «Бавария» ҳам қизиқиш билдирган.
