«ПСЖ» ярим ҳимоячиси Уоррен Заир-Эмери Париж клубидаги таассуротлари билан ўртоқлашди.

«Менга доим «ПСЖ» ёққан. Мен клубга жуда ёшлигимда қўшилганман ва барча босқичларни босиб ўтганман.

Умид қиламанки, бу узоқ давом этади. Мен бутун фаолиятимни шу ерда ўтказишни орзу қиламан», – деди футболчи.

Аввалроқ, 17 ёшли франциялик футболчига «Боруссия», «Манчестер Сити» ва «Арсенал» клублари қизиқиш билдираётгани ҳақида хабар берилганди.

2022/23 йилги мавсумда Заир-Эмери асосий жамоа таркибида 31 та ўйин ўтказиб, 2 та гол урган. «ПСЖ» билан шартнома 2025 йилнинг ёзига қадар мўлжалланган.

Transfermarkt портали футболчининг нархини 20 миллион еврога баҳоламоқда.