«ПСЖ» президенти Носир Ал-Хелайфи ҳужумкор ярим ҳимоячи Усмон Дембеле билан шартнома имзолангани ҳақида гапирди. Футболчи «Барселона»дан 50 миллион евро эвазига сотиб олинганди.
«Усмон Дембелени клубимизда кўрганимдан хурсандман. У жамоанинг муҳим футболчисига айланади.
«ПСЖ»да Франция термасидан яна бир жаҳон чемпиони борлигидан фахрланаман. Клубимиз янги буюк даврни бошламоқда», - дея Ал-Хелайфининг сўзларини келтиради клуб матбуот хизмати.
26 ёшли вингер парижликлар билан 2028 йилнинг июнь ойи охиригача узоқ муддатли шартнома имзолади.
2017 йилдан 2023 йилгача Дембеле «Барселона» таркибида ўйнаган.
