"Тоттенхэм" ҳужумчиси Сон Хён Мин ижтимоий тармоқларда Харри Кейннинг клубни тарк этгани муносабати билан таъсирли хабар қолдирди. Хабарингиз бор, ҳужумчи "Бавария" футболчисига айланди.
"Етакчи, ака, афсона. Биринчи кунданоқ сиз билан ўйнаш қувончли эди. Биргаликда жуда кўп хотиралар, ажойиб ўйинлар ва ақл бовар қилмайдиган голлар қолди. Харри, менга, клубимизга ва мухлисларимизга берган барча нарсангиз учун раҳмат. Сизга келажакда энг яхши тилакларимни тилайман" - деб ёзган Сон.
АПЛнинг 1-турида "Тоттенхэм" меҳмонда Кейнсиз "Брентфорд"га қарши майдонга тушади. Учрашув 13 август, якшанба куни бўлиб ўтади.
