Куни кеча "Ан-Наср" Араб чемпионлар кубоги ярим финалида "Ал-Шорта"га қарши баҳс олиб борди. Саудияликлар 1:0 ҳисобида ғалаба қозонишди, ягона гол муаллифи пенальтини голга айлантирган Криштиану Роналду бўлди.

Ўйиндан сўнг "Ал-Шорта" клуби футболчиси Аҳмад Зеро Криштиану Роналду билан суратга тушиб, ижтимоий тармоқларда эълон қилди.

"Тарихдаги иккинчи энг яхши ўйинчи билан", — деб ёзган Зеро суратга худди Роналдуни масхара қилаётгандек. Гарчи футболчи кимни биринчи бўлиб энг яхши деб билишини аниқламаган бўлса-да, кўпчилик мухлислар у Мессини назарда тутганига ишонишади.

Зеронинг ўзи изоҳларда негативликка дуч келди. Ҳатто Мессининг мухлисларидан бири Зеро ҳурматсизлик қилганини ёзган.