Франк Кессье "Барселона" билан хайрлашди.
Кессье 2022/23 йилги мавсумда "Барселона"да ўйнаган ва "Милан"дан эркин агент сифатида кўчиб ўтган. Жорий йилнинг ёзида ивуарлик футболчи 12,5 миллион евро эвазига Саудиянинг “Ал-Аҳли” клубига ўтди.
"Бу рангли либосда ҳаракат қилиш, ғалаба қозониш ва сиз учун курашиш мен учун ғурур ва шараф эди. Ортда қолган бу йилдан ўзим учун, ҳам жамоа учун хурсандман.
Мухлисларга раҳмат айтмоқчиман, улар билан доим бирга бўламан. Энди йўлларимиз ажралди, лекин мен "Барселона" учун ишқибозлик қиламан! Олға, "Барса"!" - деб пост қолдирди ярим ҳимоячи.
Кессье “Барселона” сафида барча мусобақаларда 43 та ўйин ўтказиб, 3 та гол ва 3 та голли узатмани амалга оширган.
