Усмон Дембеле нима учун "Барселона"дан "ПСЖ"га ўтганини тушунтирди.

- "ПСЖ"га ўтишингизга нима туртки бўлди?

- Мураббий билан суҳбат. Футболчи унга ишонишини ҳис қилиши керак. Спорт директори ва президент билан ҳам гаплашдим. Улар "ПСЖ" лойиҳаси ҳақида батафсил гапиришди, бу менга ёқди. Бу жуда илҳомлантирувчи. Умид қиламанки, биз биргаликда ажойиб натижаларга эришамиз.

- Бу ерда қандай мақсадлар қўйгансиз?

- Албатта, асосий мақсад совринларни қўлга киритиш, мухлислар ва шаҳар ғурурини бахш этиш, шунингдек, имкон қадар Чемпионлар лигасига чиқиш. Қолаверса, ўзим ҳақимда гапиришни ёқтирмасам-да, кўп гол уриб, кўплаб голли узатмаларни амалга ошириб, мухлисларга қувонч улашаман деган умиддаман.

Мен ўрганиш учун келдим. Менимча, инсон футболда ҳар куни нимадир ўрганади", - деди "ПСЖ"нинг янги футболчиси.