«Наполи» ярим ҳимоячиси Пиотр Зелиньски яқин орада Саудиянинг «Ал-Аҳли» клубига ўтади.

Таниқли журналист Фабрицио Романонинг хабар беришича, «Ал-Аҳли» Польша терма жамоасининг 29 ёшли ярим ҳимоячиси билан меҳнат шартномаси шартларини келишиб олган.

Қайд этилишича, ҳозир Саудия клуби «Наполи» билан музокараларни давом эттирмоқда, бироқ келишув деярли ёпилди.

Ўтган мавсумда Зиелиньски барча турнирларда 48 та ўйинда майдонга тушиб, 7 та гол ва 11 та голли узатмага муаллифлик қилган.

Футболчининг неаполликлар билан шартномаси келаси йилнинг ўрталаригача ҳисобланган. Ярим ҳимоячининг трансфер нархи 35 миллион еврога баҳоланмоқда.