Маурисио Почеттино «Челси» - «Ливерпуль» (1:1) ўртасида қайд этилган дурангни адолатли деб ҳисобламайди.

«Мавсумни ажойиб тарзда  бошладик. Ўйин менга жуда ёқди.

Дуранг адолатли натижа деб ўйламайман. Умуман олганда, биз бироз кўпроқ нарсага лойиқмиз. Айни пайтда ҳафсаламиз пир бўлди, чунки биз ғалаба қозонишни хоҳладик ва ғалаба қозонишга ҳақли эдик. Лекин бу фақат бошланиши деган умиддаман.

Бошиданоқ қийин бўлди, лекин биз ўйинда қандай ўсганимиз, қандай ўйнаш йўлини топганимиз, қандай қилиб [ўйин давомида] устунлик қила бошлаганимиз ва «Ливерпул»ни янада чуқурроқ ортга сурганимиздан жуда мамнунман», деди «Челси» бош мураббийи.