Maurisio Pochettino «Chelsi» - «Liverpul» (1:1) o‘rtasida qayd etilgan durangni adolatli deb hisoblamaydi.
«Mavsumni ajoyib tarzda boshladik. O‘yin menga juda yoqdi.
Durang adolatli natija deb o‘ylamayman. Umuman olganda, biz biroz ko‘proq narsaga loyiqmiz. Ayni paytda hafsalamiz pir bo‘ldi, chunki biz g‘alaba qozonishni xohladik va g‘alaba qozonishga haqli edik. Lekin bu faqat boshlanishi degan umiddaman.
Boshidanoq qiyin bo‘ldi, lekin biz o‘yinda qanday o‘sganimiz, qanday o‘ynash yo‘lini topganimiz, qanday qilib [o‘yin davomida] ustunlik qila boshlaganimiz va «Liverpul»ni yanada chuqurroq ortga surganimizdan juda mamnunman», dedi «Chelsi» bosh murabbiyi.
