Лондоннинг «Челси» клуби Англия чемпионатининг янги мавсумини бошлади – ва клубнинг янги устози Маурисио Почеттино гарчи унинг жамоаси ғалаба қозона олмаган бўлса ҳам ўйиндан жуда завқланганини тан олди.
«Тўрт йиллик танаффусдан кейин Премьер-лигага қайтиш - бу жуда зўр. Бу ўйин менга ёқди, ўйлайманки, мавсумни жуда яхши суръатда бошладик.
Ўйлайманки, биз бу ўйинда бироз кўпроқ ғалабага лойиқ эдик, шу билан бирга, ғалаба қозона олмаганимиздан хафаман. Аммо бу ҳали бошланиши», - дея аргентиналик мутахассиснинг сўзларини келтиради BBC Sport.