«Ливерпуль» устози Юрген Клопп ўз клубининг «Челси» билан дуранг ўйнаши ҳақида фикр билдирди.
«Қизиллар» биринчи бўлимда аниқ ташаббусга эга бўлишган ва кўпроқ гол уришлари мумкин эди, аммо иккинчи гол ҳакам томонидан бекор қилинди.
«Старт жуда ишончли кечганди, иккита ажойиб гол урдик, бироқ биттаси офсайд туфайли бекор қилинди. Кейин биз «Челси»га гол уришга имкон бердик, ўйин янги динамикага эга бўлди ва биз уни назорат қилишни қўлдан бой бердик», - деди Клопп.
Иккинчи турда «Ливерпуль» «Борнмут»ни қабул қилади. Ўтган мавсум август ойида Клопп шогирдлари, эслаймизки, «гилослар»ни 9:0 ҳисобида мағлуб этганди.