Лондоннинг «Челси» клубининг ҳужумкор ярим ҳимоячиси Михаил Мудрик ҳамюрти Анатолий Трубиннинг Лиссабоннинг «Бенфика» клубидаги илк машғулоти ҳақида гапирди.
Дарвозабоннинг ижтимоий тармоқлардаги пости остига Мудрик шундай ёзади: «Қаноти борларга тупроқ керак эмас».
Трубин шундай сўзлар билан жавоб берди: «Ер йўқ пайти осмон ёрдамга келади. Майдон йўқ бўлганда эса ирода сени бошқаради».
Эслатиб ўтамиз, Трубин шу йилнинг ёзида Португалия грандига кўчиб ўтганди. 22 ёшли дарвозабон Лиссабон жамоаси билан 2028 йилнинг ўрталаригача мўлжалланган узоқ муддатли меҳнат шартномасини имзолади. Анатолий трансфери учун «Бенфика» «Шахтёр»га 10 миллион евро тўлаган.
