«Барселона» ўз ҳужумчиси Ансу Фатини «Атлетико» ҳужумчиси Жоау Феликсга алмаштирмоқчи, дея хабар беради Relevo журналисти Маттео Моретто.
Манбанинг хабарига кўра, Мадрид клуби футболчисини бериш ниятида эмас. Жоаунинг кетиши қўшимча тўлов эвазига алмаштириш ёки футболчини тўғридан-тўғри сотиб олиш орқали амалга оширилади.
Олдинроқ 23 ёшли португалиялик «Ал-Ҳилол» билан музокаралар олиб бораётгани ҳақида хабар берилганди.
Transfermarkt портали футболчининг нархини 50 миллион еврога баҳоламоқда. Жоау Феликснинг «матрасчилар» билан амалдаги шартномаси 2027 йилнинг 30 июнига қадар амал қилади.
