"Барселона" бош мураббийи Хави уч ўйинга дисквалификация қилиниши мумкин.
43 ёшли мутахассис Ла Лиганинг 1-туридан ўрин олган "Хетафе"га (0:0) қарши ўйинда ҳакамлар билан баҳслашгани учун қизил карточка олди.
Хавини четлатгани учун икки ўйинга дисквалификация қилиниши кутилмоқда. Бироқ мураббий четлатилганидан кейин трибуна остидаги туннелда қолгани учун яна битта ўйинга дисквалификация билан жазоланиши эҳтимоли бор.
Шу билан бирга, Хави ўйиндан кейин Сезар Сото Градо ҳакамлар бригадасига қарата айтган сўзлари учун жазодан қочиб қутулиши таъкидланган. "Барселона" бош мураббийи ҳакамлар ишини "мутлақо шармандалик" деб атади.
