«Шахтёр» спорт директори Дарио Срна Михаил Мудрик «Челси»га 70 миллион евро + 30 бонус эвазига трансфер қилинганидан кейин ўз фикрларини билдирди.

«Биз уни бонуслар билан 100 миллион еврога сотганимизда нимани ҳис қилдим? Президентга нима дедим? Айтишларича, арзонга сотишган. Мен сизга айтяпман, агар мамлакатдаги бу воқеалар бўлмаганида, президент уни ҳеч қачон 100 миллионга сотмаган бўларди.

Президент бу жамоа билан Чемпионлар лигасида ғалаба қозонишни истаганди. Бу орзу эди, ғалаба қозониш қийин бўларди, лекин 1/4, 1/2, ҳа ишончим комил.

Бу жамоа билан, ҳа. Биз ажойиб натижаларни кутган бўлардик», деди Срна.