14 август куни трансфер оламида жуда кўп қизиқарли воқеалар содир бўлди: "Челси"дан рекорд пулга янги футболчи, "ПСЖ"да кадрлар ўзгариши. Буларнинг барчаси бизнинг дайжестимизда.
Мойсес Кайседо - "Челси" футболчиси. Клуб ва АПЛ тарихидаги энг қиммат харид
Кўпчилик кутган нарса амалга ошди. "Брайтон" ҳимоячиси ниҳоят ақлдан озган пул учун Лондонга кўчиб ўтди. Эквадорлик учун клуб 115+20 миллион евро тўлаган."Челси" ҳеч қачон бир футболчига бунчалик кўп пул тўламаган. Айтганча, бу харажатлар Тодд Боулининг харажатлар ҳисоблагичини янгилади: америкалик трансферлар учун аллақачон 1 миллиард евро сарфлаган.
Арнаутович "Интер"га қайтади. 13 йилдан кейин
13 йиллик танаффусдан сўнг Марко Арнаутович яна "Интер" таркибида асосий таркиб учун курашиб кўради. Арнаутович "нерадзуррилар"дан кетган Эдин Жекога муқобил сифатида кўрилмоқда. "Болонья" австриялик учун 8+2 миллион евро олади.
"Рома" Паредес ва Санчесни "ПСЖ"дан сотиб олди
Римнинг "Рома" клуби бирданига "ПСЖ"нинг икки футболчиси билан шартномани ёпишга яқин турибди. Римликлар Париждан Леандро Паредес ҳамда Ренату Саншеш орқали ярим ҳимоя позициядаги камчиликларни ёпмоқчи. Иккала футболчи борасидаги музокаралар деярли якунланди. Трансферлар яқин орада эълон қилинади.
"Манчестер Юнайтед" Паварни "Бавария"дан сотиб олмоқчи
Француз ҳимоячисига узоқ вақтдан буён АПЛ клубларидан қизиқиш бор. Ҳозирда "Манчестер Юнайтед" Павар учун 29-30 миллион евро пул таклиф қилишга тайёр. Мюнхенликлар эса французни 45-50 миллионга баҳоламоқда. Кўрамиз, трансфер амалга ошармикин.
"Вест Хэм" "Аякс"да Пакета ўрнига футболчи топди
Муҳаммад Кудус трансфер ойнасининг қолган қисмида лондонликларнинг асосий нишони ҳисобланади. Бунга Лукас Пакетанинг бир оёғи аллақачон "Манчестер Сити"да бўлгани сабаб бўлди. "Аякс"дан Гана термаси вакили учун 40 миллион евро сўрамоқда. Аммо Премьер-лига вакили учун бу нарх янада кўтарилиши мумкин.
"Реал Мадрид"да жароҳат олган Куртуанинг ўрнини Кепа эгаллайди
Мадрид шошилинч равишда янги биринчи рақамни топди - вақтинчалик бўлса ҳам. Дарвозабон Аррисабалага мавсум учун "Челси"дан 1 миллион евро эвазига ижарага олинганди. Бу яхши қарорми? Айнан Англияда Кепа жуда кўп хатоларга йўл қўйган ва кулгига айланган, Испанияда эса "Атлетик"да ўйнаганида ажойиб ўйин кўрсатган эди.
Неймар "Ал-Ҳилол" учун тиббий кўрикдан ўтди
"ПСЖ" юлдузи Саудия Арабистонига ўтишга яқинлашиб бормоқда. Қайд этилишича, бразилиялик барча керакли кўриклардан ўтган ва тез орада Саудия Арабистони клуби билан шартнома имзолайди. Айтганча, Неймарнинг маоши очиқланди - 150 миллион евро. Бу унинг Парижда оладиганидан деярли олти баробар кўп.
