Кеча бошланган Украина чемпионатининг 16-турида Киевнинг "Арсенал" жамоаси "Шахтёр"ни мағлубиятга учратди ва бу мағлубият "кончилар" учун мавсумдаги дастлабкиси бўлди.

Ўйиннинг 34-дақиқасида ҳамюртимиз Максим Шацких ҳисобни очишга муваффақ бўлди. Чап қанотдан узатилган пасдан кейин "Арсенал" футболчиларидан бири тўпни бош билан Шацкихга узатди. Максим дарвозабон билан бирга-бир вазиятга чиқди ва дарвозани ишғол қилди.

Иккинчи бўлим бошида донецкликлар майдонда бир киши кам бўлиб қолди. Ракицкий сўнгги умид кушандаси тарзда киевликлар ҳужумчиси Ковпакнинг дарвозабон билан бирга-бир чиқиб кетишига йўл қўймади.

Ўйин сўнгида эса Кобахидзе олис масофадан "Шахтёр" дарвозасини ишғол қилди ва жамоасининг ишончли ғалабасини таъминлади.

Максим Шацких ўйиннинг охиригача ҳаракат қилди.

АРСЕНАЛ К – ШАХТЁР 2:0 (1:0)
Голлар: Максим Шацких (34), Кобахидзе (90).
Арсенал К: Панькив, Полевой, Гитченко, Матуку, Ковпак (Кванса, 90), Старгородский, Леандро, Шахов, Гоменюк (Кобахидзе, 76), Адийя (Миколюнас, 61), Максим Шацких.
Шахтёр: Пятов, Срна, Чигринский (Кривцов, 12), Рац, Ракицкий, Коста (Виллиан, 46), Степаненко, Мхитарян, Фернандиньо, Алекс Тейшейра (Илсиньо, 46), Луис Адриано.
Огоҳлантиришлар: Адийя (58), Степаненко (76), Панькив (82), Шахов (84).
Четлатиш: Ракицкий (48, Шахтёр).