Ўзбекистон футбол ассоциацияси Тартиб-интизом қўмитасининг навбатдаги йиғилиши бўлиб ўтди. Унда сўнгги турлар доирасида бўлиб ўтган учрашувлардаги интизомий ишлар кўриб чиқилди.

Суперлига

«Қизилқум» — “Навбаҳор лочинлари”

Ўзбекистон Суперлигасининг 14-тури доирасидаги «Қизилқум» — “Навбаҳор лочинлари” учрашувида «Қизилқум» клуби мураббийи Тачмурод Агамуродов “Суперлига ва Про лига регламенти”нинг 16.23 ҳамда 16.30-bandlarini бузганлиги, яъни учрашув давомида учрашув комиссарининг огоҳлантиришига қарамай техник зонани тарк этганлиги ва техник зонада бейжиксиз ҳаракатлангани қайд этилган.

Тартиб-интизом қўмитасининг қарорига кўра, Тачмурод Агамуродовга (Қизилқум) нисбатан жарима интизом чораси қўлланилди.

«Бухоро» — «Турон»

Суперлиганинг 14-тури доирасидаги «Бухоро» — «Турон» учрашувининг 16-дақиқасида «Бухоро» футбол клуби футболчиси Всеволод Нихаев тўп учун курашиш вақтида оёғининг таг қисми билан рақиб ўйинчисининг оёқ қисмига зарба берган.

Шунингдек, ўйин якунлангандан сўнг «Бухоро» футбол клубининг мухлислари томонидан майдон ва футболчилар томонга турли буюмлар улоқтирилган. Елим идишлардан бири тўп олиб берувчи боланинг бошига теггани қайд этилган.

Тартиб-интизом қўмитасининг қарорига кўра, Всеволод Нихаевга (Бухоро) нисбатан 2 та ўйинга четлаштириш ва жарима интизом чораси қўлланилди.

«Бухоро» футбол клубига нисбатан эса жарима интизом чораси белгиланди. Мазкур ҳолат такрорланган тақдирда «Бухоро» футбол клуби уй учрашувларини мухлисларсиз ўтказиши тўғрисида огоҳлантирилди.

«Андижон» — «Насаф»

Суперлиганинг 14-тури доирасидаги «Андижон» — «Насаф» учрашувининг 61-дақиқасида «Андижон» футбол клубининг футболчиси Сардор Азимов тўп учун курашиш вақтида оёғининг таг қисми билан рақиб ўйинчисининг оёқ қисмига зарба бергани қайд этилган.

Тартиб-интизом қўмитасининг қарорига кўра, Сардор Азимовга (Андижон) нисбатан 3 та ўйинга четлаштириш ва жарима интизом чораси қўлланилди.

ОКМК — «Сурхон»

Суперлиганинг 14-тури доирасидаги ОКМК — «Сурхон» учрашувида ОКМК футбол клуби таҳлилчиси Виталий Лушачов “Суперлига ва Про лига регламенти”нинг 16.27-bandlarini бузганлиги, яъни техник зонада тамаки маҳсулотини чеккани қайд этилган.

Тартиб-интизом қўмитасининг қарорига кўра, Виталий Лушачовга (ОКМК) нисбатан жарима интизом чораси қўлланилди.

«Андижон» — «Сурхон»

Суперлиганинг 15-тури доирасидаги «Андижон» — «Сурхон» учрашувининг 26-дақиқасида «Сурхон» футбол клуби футболчиси Беҳруз Шайдулов тўп учун курашиш вақтида оёғининг таг қисми билан рақиб ўйинчисининг сон қисмига зарба бергани учун майдондан четлаштирилган.

Тартиб-интизом қўмитасининг қарорига кўра, Беҳруз Шайдуловга (Сурхон) нисбатан 2 та ўйинга четлаштириш ва жарима интизом чораси қўлланилди.

«Металлург» — “Навбаҳор лочинлари”

Суперлиганинг 15-тури доирасидаги «Металлург» — “Навбаҳор лочинлари” учрашувининг 88-дақиқасида “Навбаҳор лочинлари” футбол клуби футболчиси Аброр Исмоилов ён ҳакам шаънига ҳақоратли сўзлар ишлатгани учун майдондан четлаштирилган.

Тартиб-интизом қўмитасининг қарорига кўра,Аброр Исмоиловга (Навбаҳор лочинлари) нисбатан 2 та ўйинга четлаштириш ва жарима интизом чораси қўлланилди.

«Пахтакор» — «Нефтчи»

Суперлиганинг 15-тури доирасидаги «Пахтакор» — «Нефтчи» учрашувининг 52-дақиқасида «Пахтакор» футбол клуби бош мураббийи Максим Шацких бош ҳакам шаънига ҳақоратли сўзлар ишлатгани учун майдондан четлаштирилган.

Тартиб-интизом қўмитасининг қарорига кўра, Максим Шацкихга (Пахтакор) нисбатан 2 та ўйинга четлаштириш ва жарима интизом чораси қўлланилди.
 
Про лига

«Хоразм» — «Юниред»

Про лиганинг 12-тури доирасидаги «Хоразм» — «Юниред» учрашувининг 76-дақиқасида «Юниред» клуби футболчиси Диёр Қаҳрамонов тўпсиз вазиятда қўл қисми билан рақиб ўйинчисига зарба берган учун майдондан четлаштирилган.

Тартиб-интизом қўмитасининг қарорига кўра, Диёр Қаҳрамоновга (Юниред) нисбатан 2 та ўйинга четлаштириш интизом чораси қўлланилди.

Биринчи лига

«Олимпия» — “Насаф фарм”

Биринчи лиганинг 11-тури доирасидаги «Олимпия» — “Насаф фарм” учрашувининг 59-дақиқасида “Насаф фарм” жамоаси футболчиси Шоҳруз Исматов бош ҳакам шаънига ҳақоратли сўзлар ишлатгани учун майдондан четлаштирилган.

Тартиб-интизом қўмитасининг қарорига кўра, Шоҳруз Исматовга (Насаф фарм) нисбатан 3 та ўйинга четлаштириш интизом чораси қўлланилди.

У-21 чемпионати

“Олимпик У-21” — “Сўғдиёна У-21”

У-21 чемпионатининг 15-тури доирасидаги “Олимпик У-21” — “Сўғдиёна У-21” учрашувининг 90-дақиқасида “Сўғдиёна У-21” жамоаси мураббийи Улуғбек Боқиев бош ҳакам шаънига ҳақоратли сўзлар ишлатгани учун майдондан четлаштирилган.

Тартиб-интизом қўмитасининг қарорига кўра, Улуғбек Боқиевга (Сўғдиёна У-21) нисбатан 2 та ўйинга четлаштириш ва жарима интизом чораси қўлланилди.

“Турон У-21” — “Насаф У-21”

У-21 чемпионатининг 15-тури доирасидаги “Турон У-21” — “Насаф У-21” учрашуви якунлангандан сўнг “Насаф У-21” жамоаси футболчиси Бекжон Жўрабоев бош ҳакам шаънига ҳақоратли сўзлар ишлатгани учун майдондан четлаштирилган.

Тартиб-интизом қўмитасининг қарорига кўра, Бекжон Жўрабоевга (Насаф У-21) нисбатан 3 та ўйинга четлаштириш интизом чораси қўлланилди.

У-19 чемпионати

“Арал У-19” — “Юниред У-19”

У-19 чемпионатининг 12-тури доирасидаги “Арал У-19” — “Юниред У-19” учрашувининг 58-дақиқасида “Юниред У-19” жамоаси футболчиси Искандар Маллаев бош ҳакам шаънига ҳақоратли сўзлар ишлатгани учун майдондан четлаштирилган.

Тартиб-интизом қўмитасининг қарорига кўра, Искандар Маллаевга (Юниред У-19) нисбатан 3 та ўйинга четлаштириш интизом чораси қўлланилди.

Аёллар Олий лигаси

“Бухоро W" — “Пахтакор W"

Аёллар Олий лигасининг 12-тури доирасидаги “Бухоро W" — “Пахтакор W" учрашувининг 19-дақиқасида “Бухоро W" жамоаси футболчиси Ирода Алиқулова ҳамда “Пахтакор W" жамоаси футболчиси Умида Хатамова ўзаро жанжаллашиб, бир-бирларига зарба берганликлари қайд этилган.

Тартиб-интизом қўмитасининг қарорига кўра, уларнинг ҳар иккисига нисбатан 4 та ўйинга четлаштириш интизом чораси қўлланилди.

“ОКМК W" — “Севинч W"

Аёллар Олий лигасининг 12-тури доирасидаги “ОКМК W" — “Севинч W" учрашувининг 71-дақиқасида “ОКМК W" жамоаси футболчиси Муниса Гиясова ҳамда “Севинч W" жамоаси футболчиси Малика Бурханова ўзаро жанжаллашиб, бир-бирининг юз қисмига зарба бергани учун майдондан четлаштирилган.

Тартиб-интизом қўмитасининг қарорига кўра, уларнинг ҳар иккисига нисбатан 4 та ўйинга четлаштириш интизом чораси қўлланилди.

Барча мураббий, футболчи, ҳакам ва расмийларга мурожаат қилиб, ҳар қандай вазиятда эҳтиросларга берилмасдан, оғир–вазмин ва профессионал бўлишга чақирамиз. Шу ўринда Сизлар ўсиб келаётган ёшлар учун ўрнак-намуна эканликларингизни яна бир бор эслатиб ўтамиз!