"Монпелье" ҳужумчиси Элье Ваи фаолиятини давом эттириш учун энг маъқул вариантни танлашга қарор қилди. Инсайдер Санти Ауна хабарига кўра, ёш француз "Вест Хэм"га ўтмоқчи.
Илгари Ваида Лондоннинг бошқа клуби "Челси" варианти бор эди, аммо ҳужумчини "аристократлар" лойиҳаси ишонтирмади. Элье ўтган мавсумда Франция чемпионатини "Монпелье"дан пастроқда якунлаган "Страсбург"га ижарага ўтишни истамади.
“Вест Хэм” ҳалигача “Монпелье” билан Ваи учун товон пули борасида келиша олмади. 20 ёшли Элье ўтган мавсум Франция чемпионатида 19 та гол урди ва 6 та голли узатмани амалга оширди. Унинг трансфери 35 миллион еврога баҳоланмоқда.













