Лондоннинг "Тоттенхэм" клуби дарвозабони Уго Льорис Англия Премьер-лигасини Италия А Сериясига ўзгартириши мумкин. Франциялик футболчининг хизматларига "Лацио" қизиқиш билдирмоқда.
Журналист Жанлука ди Марцио хабарига кўра, клублар 36 ёшли футболчининг трансфери бўйича музокараларга киришган. “Шпорлар” раҳбарияти ўзини бошқа чемпионатда синаб кўрмоқчи бўлган Ллорисни қўйиб юборишга тайёр. Агар томонлар рози бўлса, Уго Италия клуби билан икки йиллик меҳнат шартномасини имзолайди.
Дарвозабон 2012 йилдан буён "Тоттенхэм" сафида ўйнайди. У жамоада 447 та ўйин ўтказиб, ўз дарвозасидан 508 та гол ўтказиб юборган.
