«Арсенал» ҳимоячиси Юрриен Тимбер ўнг тиззасининг олдинги хоч боғламини шикастлаб олди. Бу ҳақда «канонирлар» расмий сайтида маълум қилинди.
Эслатиб ўтамиз, «Арсенал»нинг янги футболчиси Англия премьер-лигасининг 1-турида «Ноттингем Форест»га қарши ўйинда (2:1) жароҳат олган эди.
Олдинроқ 22 ёшли голландиялик ҳимоячи жароҳати сабаб бутун мавсумни ўтказиб юбориши мумкинлиги ҳақида хабарлар тарқалган эди.
Тимбер жорий трансфер ойнасида «Аякс»дан «Арсенал»га ўтди ва битта сариқ карточка олган иккита ўйинда майдонга тушишга муваффақ бўлди.
