Римнинг "Лацио" клуби "Ювентус"нинг ёш таянч ярим ҳимоячиси Николо Ровеллани расман ижарага олди.
"Лацио" матбуот хизмати футболчининг кейинги икки мавсум учун ижара асосида ўйнашини маълум қилди.
Ровелла 21 ёшда, у марказий ва таянч ярим ҳимоячи позицияларида ўйнайди. У "Женоа" тарбияланувчиси бўлиб, ўз клубини тарк этган ва 2021 йилнинг қишида "Ювентус"га ўтган.
Футболчи сўнгги мавсумни "Монца" сафида ўтказди. У клуб сафида 27 та расмий ўйинда майдонга тушиб, 1 та гол урди ва 2 та голли узатмани амалга оширди.
Transfermarkt портали ёш футболчининг нархини 18 миллион еврога баҳоламоқда.
