Бугун “Насаф” футбол клуби қароргоҳига Қашқадарё вилояти ҳокими Муротжон Азимов бошчилигида вилоят сектор раҳбарлари, бош ҳомий "Шўртан газ-кимё мажмуаси" директори, клуб президенти Шуҳрат Асланов ва вилоят оқсоқоллари йиғилишди. Жамоа билан учрашув давомида Муротжон Азимов муҳим беллашувлардан олдин Насаф"га омад тилади ва Рўзиқул Бердиевга жамоа учун ҳозирлаб қўйилган замонавий автобуснинг калитини топширди.
Йиғилиш давомида жамоа тузилишига бош қош бўлган Озод Пармонов, вилоят оқсоқоллари Январ Пўлатов ва Эсон Ражабовлар ҳам жамоа шаънига илиқ фикрлар билдиришди ва бўлиб ўтажак баҳсларда омад тилашди. Маросим сўнггида клуб президенти жамоани олдинда кутиб турган беллашувларга пухта тайёргарлик кўриш, суперлига, кубок, суперкубок ва ОЧЛ беллашувларида ғалабаларни қўлга киритиб вилоят аҳлини хурсанд қилишни тилади.
