Bugun “Nasaf” futbol klubi qarorgohiga Qashqadaryo viloyati hokimi Murotjon Azimov boshchiligida viloyat sektor rahbarlari, bosh homiy "Sho‘rtan gaz-kimyo majmuasi" direktori, klub prezidenti Shuhrat Aslanov va viloyat oqsoqollari yig‘ilishdi. Jamoa bilan uchrashuv davomida Murotjon Azimov muhim bellashuvlardan oldin Nasaf"ga omad tiladi va Ro‘ziqul Berdiyevga jamoa uchun hozirlab qo‘yilgan zamonaviy avtobusning kalitini topshirdi. 

Yig‘ilish davomida jamoa tuzilishiga bosh qosh bo‘lgan Ozod Parmonov, viloyat oqsoqollari Yanvar Po‘latov va Eson Rajabovlar ham jamoa sha’niga iliq fikrlar bildirishdi va bo‘lib o‘tajak bahslarda omad tilashdi. Marosim so‘nggida klub prezidenti jamoani oldinda kutib turgan bellashuvlarga puxta tayyorgarlik ko‘rish, superliga, kubok, superkubok va OCHL bellashuvlarida g‘alabalarni qo‘lga kiritib viloyat ahlini xursand qilishni tiladi.