Россия ва Баҳрайн терма жамоалари 2023 йилда ўртоқлик ўйини ўтказмайди.

Бу ҳақда Баҳрайн футбол ассоциациясининг техник директори лавозимини эгаллаб турган Абед Ал Ансорий айтиб ўтди.

Аввалроқ Россия футбол иттифоқи Баҳрайнга қарши эҳтимолий ўйин бўйича музокаралар ҳақиқатан ҳам давом этаётганини маълум қилганди.

«Сентябрь ва октябрь ойларида биз бошқа жамоалар билан ўйин ўтказишга келишиб олдик. Бу йилги Россия билан ўйин натижа бермаяпти, чунки ноябрь ойида Баҳрайнда жаҳон чемпионатига саралаш ўйинлари бор ва термамиз бош мураббийи улардан олдин Осиё термалари билан ўйнашни истайди», - деди Ал Ансорий. 

Айтиш жоизки, санкциялар туфайли Россия терма жамоаси ҳозирча фақат ўртоқлик ўйинлари ўтказиши мумкин.

Валерий Карпин жамоаси сўнгги бор март ойида йиғин ўтказган, ўшанда у Эрон билан дуранг ўйнаган (1:1) ва Ироқни мағлуб этган (2:0).