"Манчестер Сити" "Ренн" вингери Жереми Докуни сотиб олишга яқин турибди.
L'Equipe нашри хабарига кўра, Франция 1-лигасида "Метц"га қарши ўйиндаги ғалаба (5:1) Бельгия терма жамоаси футболчиси учун "Ренн" либосидаги охиргиси бўлади. Маълум қилинишича, Доку яқин орада Европанинг энг кучли клуби сафига қўшилади ва келишув тахминан 100 миллион еврони ташкил қилади.
Эслатиб ўтамиз, Жереми Доку 2020 йилдан буён "Ренн"да ўйнаб келмоқда, Франция жамоаси сафида 90та ўйин ўтказиб, 11та гол ва 10та голга ассистентлик қилган. Transfermarkt портали 21 ёшли футболчининг нархини 28 миллион еврога баҳоламоқда.













