«Реал Сосьедад» бош мураббийи Иманоль Альгуасиль «Динамо» ярим ҳимоячиси Арсен Захаряннинг яқинлашиб келаётган трансфери ҳақидаги саволга жавоб берди.
«Мен фақат жамоамдаги футболчилар ҳақида гапираман. Аммо мавсум бошланишидан олдин Захарянни қўлга киритсак, мақсадга мувофиқ бўларди», - деди бош мураббий.
Олдинроқ «Реал Сосьедад» вакили 18 август, жума куни Захарян Испанияга келиши мумкинлигини, аммо футболчи билан шартнома кейинроқ имзоланишини айтганди.
ОАВ хабарига кўра, 20 ёшли ярим ҳимоячининг трансфери «Реал Сосьедад»га бонус тўловлари билан бирга 12 миллион еврога тушади.
