«Челси» ҳимоячиси Льюис Холл яқин келажакда «Ньюкасл Юнайтед»га ўтиши мумкин.
90min нашри мухбири Грэм Бейлининг сўзларига кўра, клублар 18 ёшли футболчи учун бир мавсумлик ижара шартномаси бўйича келишиб олишган.
Манбанинг хабарига кўра, шартнома якунланганидан кейин «Ньюкасл» Холлнинг шартномасини «Челси»дан сотиб олиши мумкин. Қайд этилишича, битимнинг умумий суммаси 40 миллион евродан ошади.
Журналист молиявий қийинчиликлар туфайли Холлни ижарага олиш «Ньюкасл»нинг ягона варианти эканлигини қўшимча қилди. Клубнинг шунга қурби етади холос.
