Ҳужумкор ярим ҳимоячи Николо Дзаньоло "Астон Вилла"га ўтганидан кейин "Галатасарой" билан хайрлашди.
Жума куни Бирмингем клуби 24 ёшли италияликни сотиб олиш мажбурияти билан ижарага олганини расман эълон қилди.
"Галатасарой"да биринчи дақиқаларданоқ мени тушунишганини ҳис қилдим, мени жуда илиқ кутиб олишди ва доим қўллаб-қувватлашди. Бугун бу клубни тарк этар эканман, ҳаммаси учун қанчалик миннатдор эканлигимни ифода эта олмайман. Бу оиланинг бир қисми бўлиш жуда яхши эди. Мен учун қилган яхшиликларингизни ҳеч қачон унутмайман, деб ваъда бераман", - деди Дзаньоло.
Николо Дзаньоло жорий йилнинг февраль ойидан бери “Галатасарой” сафида тўп тепаётган эди. Футболчи Туркия жамоаси сафида 12 та ўйинда 5 та гол уришга муваффақ бўлди.
