Sports Zone хабарига кўра, франциялик ҳимоячи Рафаэль Варан Саудиянинг «Ал-Иттиҳод» клубининг трансферлар рўйхатига киритилган.
Журналистларнинг хабар беришича, клуб вакиллари «МЮ» футболчисининг агенти билан музокараларни бошлаб юборган.
Рафаэлнинг ўзи «Ал-Иттиҳод»нинг биринчи таклифини рад этиб, Европада ўйнашни давом эттиришини айтди.
Манбанинг қайд этишича, музокараларда Карим Бензема ва Канте иштирок этмоқда. Улар ҳамюртини бу жамоага ўтишга кўндиришмоқчи.
Вараннинг «қизил иблислар» билан шартномаси 2025 йилнинг ёзига қадар мўлжалланган. Унинг трансфер нархи 35 миллион евро.
