Каталониянинг "Барселона" клуби "Манчестер Сити"га Хосеп Гвардиоланинг режаларига киритилмаган ҳимоячи Жоау Канселу трансфери бўйича якуний таклиф билан мурожаат қилди.
Sport хабарига кўра, "кўк-анорранглилар" "Манчестер Сити"га Канселу учун 30 миллион евролик ижара шартномасини таклиф қилган. Португалияликнинг ўйинларига қараб, сотиб олиш варианти мажбурий бўлиши мумкин.
Манбанинг таъкидлашича, "Барселона" ва "Манчестер Сити" ўртасидаги музокаралар ҳозир жуда илғор босқичда. Томонлар яқин 48 соат ичида келишувга эришишга умид қилишмоқда.