Суперлига 17-туридан ўрин олган “Насаф” – “Қизилқум” (0:0) учрашувидан сўнг меҳмонлар бош мураббийи Жамшид Саидов ўз фикрларини билдириб ўтди.

“Барча учрашувга жиддий тайёргарлик кўрамиз. Боиси, турнир жадвалидаги ўрнимиз кишини хурсанд қилмайди. Йигитларга характер учун раҳмат айтмоқчиман. “Насаф” ўз майдонида босим қилишини яхши билар эдик. Натижадан кўнглим тўлди. Қўлга киритилган ҳар бир очко олтинга тенг.

Раҳматов ва Кенжабоев ишончни оқлаяптими? Улар майдонга тушишмоқдами, демак ҳа! Уларда пойдевор бор.

Бу мавсумдаги натижаларга пулнинг алоқаси йўқ. Лигада кучсиз жамоа қолмади. Турнир жадвалининг юқорисида ҳам, қуйисида ҳам кураш кечмоқда. Шу сабабли биз ҳозир шундай аҳволга тушиб қолдик. Ҳар бир баҳсни ҳудди сўнгги ўйиндек ўтказяпмиз. Жамоа лигани тарк этмаслиги учун охиригача курашамиз”, – деди Саидов.