Қаршининг “Насаф” жамоаси мавсумни ғалаба билан якунлаган бўлса-да, ушбу ғалаба қаршиликларга мавсумни медаллар билан якунлаш учун етарли бўлмади. Бугунги ўйинда Рўзиқул Бердиев жароҳат туфайли Жиямуродов, Геворкян, Шишелов, Юсуповни тушира олмади.

Рўзиқул Бердиев шогирдлари учун ғалаба қийинчилик билан қўлга киритилди. Ўйиннинг 12-дақиқасида Иван Бошкович ҳисобни очганидан кейин буёғи қаршиликлар осонликча ғалабани қўлга киритилишини кутган мухлислар, бироз адашишди. Иккинчи бўлим бошида Рўзимбой Аҳмедов ҳисобни тенглаштиришга муваффақ бўлди. Фақатгина ўйин тугашига 7 дақиқа қолганида Илҳом Юнусов ғалаба тўпини киритишга муваффақ бўлди.

Биринчи даврдан сўнг 2-ўринни эгаллаб турган “Насаф” мавсумни 4-ўринда якунлашга мажбур бўлди.

НАСАФ – ДИНАМО – 2:1 (1:0)
Гол: Иван Бошкович (12), Илҳом Юнусов (83) – Рўзимбой Аҳмедов (49)
“Насаф”: Муроджон Зуҳуров, Шавкат Раимқулов, Мақсуд Каримов, Ботир Қораев, Иван Бошкович (Санжар Баратов 73), Кенжа Тўраев, Фозил Мусаев, Эркин Бойдуллаев, Шоҳруҳ Гадоев, Илҳом Юнусов, Фарруҳ Сайфиев (Мирзакамол Камолов 66).
“Динамо”: Андрей Мельничук, Виталий Почуев, Аҳрол Рисқуллаев, Леонид Кошелев, Асқар Жадигеров, Дилявер Абибуллаев (Андрей Ерохин 76), Сунатилла Мамадалиев, Александр Хвостунов, Салим МУстафоев, Сирожиддин Сайфиев, Рўзимбой Аҳмедов (Турғун Қобилов 87).
Ҳакамлар: Б.Тоғаев, А.Цапенко, О.Дачев, А.Эргашев.
Назоратчи: А.Абдуллаев.